ခိုတောင်မုန့်တီအလွမ်း

အဝေးရောက် မန္တလေးသူ၊ မန္တလေးသားများ မိမိဒေသထွက်အစားအစာများကို လွမ်းမိသည့်အခါ မဖြစ်မနေသတိရမိနိုင်သည့် အစားအစာတစ်ခုရှိပါသည်။ ထိုအစားအစာက ကိုယ်ဒေသထွက် အစားအစာမဟုတ်ပေသိ မန္တလေးနဲ့ခွဲလို့ပင်မရတော့။ မန္တလေးမြို့ရဲ့ မိသားစုဝင်အစားအစာတစ်ခုလိုပင် ဖြစ်နေပြီ။ မြန်မာဆန်ဆန် အမည်ပေးထားကြပြီး ခိုတောင်မုန့်တီဟု အမည်တွင်ပါသည်။

ခိုတောင်မုန့်တီသည် မန္တလေးမြို့ ဧရာဝတီမြစ်တစ်ဖက်ကမ်း စစ်ကိုင်းမင်းကွန်းကားလမ်းပေါ်ရှိ ခိုတောင်ရွာကိုအစွဲပြု၍ ခေါ်ခြင်းဖြစ်သည်။ ခိုတောင်ရွာရှိ အမျိုးသမီးအများစု မန္တလေးမြို့ပေါ်တက်ကာ မုန့်တီရောင်းရာမှ ခိုတောင်မုန့်တီ ပေါ်ပေါက်လာခဲ့ခြင်းဖြစ်သည်။ မန္တလေးမြို့ကိုအမှီပြုကာ နေထိုင်သူတွေက ဘာသာလူမျိုးအစုံရှိပေမယ့် ခိုတောင်မုန့်တီကို လူမျိုးဘာသာမခွဲခြားဘဲ မက်မက်မောမောစားတတ်ကြသည်။ ခိုတောင်မုန့်တီက မန္တလေးမုန့်တီလို မုန့်ဖတ်ကမကြီး၊ အသားဟင်းအနှစ်တွေမပါပေ။ ကြက်သွန်ဖြူနီဆီချက်၊ အရောင်တင်ဆီချက်၊ နနွင်းဆီချက်၊ ပဲသီး၊ မုန်လာထုပ် (ဂေါ်ဖီထုပ်)တို့ဖြင့် ရိုးရှင်းစွာသုပ်ထားခြင်းဖြစ်သည်။ ဟင်းချိုရည်မှာ ပိတ်ဆွယ်၊ တရုတ်နံနံ၊ ဗမာနံနံ၊ ငါးခေါင်း၊ ချင်း၊ ကြက်သွန်ဖြူတို့ ထည့်ထားသဖြင့် အလွန်ပင်မွှေးကြိုင်လှသည်။ ခိုတောင်မုန့်တီသည်တွေက ဆီချက်ထည့်ရာတွင် ဒန်အိုးများကို အသုံးမပြု။ ဒေသထွက်စဥ့်ထည်အိုးသေးလေးများ၊ စဥ့်အင်တုံများဖြင့် ထည့်ထားတတ်ကြသည်။ ဟင်းချိုရည်အိုးကိုလည်း ဒန်အိုးကိုအသုံးမပြုဘဲ လက်ဖြစ်မြေအိုးများဖြင့် ထည့်ထားကြပြီး အိုးကို ဖျင်ကြမ်းထည်သန့်သန့်ဖြင့် ပတ်ထားကြသည်။ ဟင်းချို တစ်နေကုန်နွေးနေအောင်ဖြစ်သည်။ မြေအိုးတွေ၊ စဥ့်အိုးတွေ၊ ပန်းကန်တွေ၊ မုန့်ဖတ်သုံးလေးပိဿာ၊ ပန်းကန် ၁၀ လုံးခန့်ထည့်ထားသည့် မုန့်တီတောင်းက ခေါင်းကိုပုဝင်သွားမတတ်။

ဟိုအရင်ခေတ်တွေတုန်းကတော့ ခုလိုမန္တလေးမြို့ပေါ်မှာ မုန့်တီစက်တွေမပေါ်သေး။ ခိုတောင်မုန့်တီသည်တွေက ကိုယ်ရောင်းမည့် မုန့်တီဖတ်ကို ကိုယ်တိုင်ညှစ်ရသည်ဟု (၁၈)နှစ်အရွယ်ကတည်းက မုန့်တီရောင်းခဲ့သည့် အသက်(၆၅)နှစ်အရွယ် ခိုတောင်ရွာသူ ဒေါ်သန်းစိန်ကပြောသည်။ နံနက်စောစော ၃ နာရီလောက်ဆို ခိုတောင်တစ်ရွာလုံးက မုန့်တီသည်တွေ အိပ်ရာထကြရပြီ။ မိသားစုဝင်သုံးဦးခန့်ဖြင့် မုန့်တီဖတ်ညှစ်ရသည်။ မုန့်တီဖတ်ညှစ်ပြီး တစ်နေကုန် မုန့်သွားရောင်းရမည်မို့ မနက်စောစောပေမယ့် ခေါင်းလျှော်ရေချိုးရသည်။ နေပူဒဏ်ခံနိုင်စေရန် သနပ်ခါးဘဲကြားလူးရသည်။ အသင့်ပြင်ဆင်ပြီးတော့ ခိုတောင်မြစ်ဆိပ်မှာ မုန့်တီသည်တွေစုံကြပြီ။ မန္တလေးမြို့ပေါ်ကို ငှက်လှေတွေနဲ့ကူးကြပြီ။ မုန့်တီသည်တွေက အများကြီးဆိုတော့ ငှက်လှေလေးငါးစီးဖြင့်ကူးရသည်။ လှေပေါ်ရောက်မှ အိမ်မှာအချိန်မရလို့ မစားဘဲထည့်ခဲ့ရသည့် ထမင်းကို ရေဖလားထဲထည့်ကာ ငှက်လှေပေါ်တွင်ပင် စားကြရသည်။

ဂေါဝိန်ဆိပ်ရောက်တော့ ကိုယ့်ဖောက်သည်တွေရှိရာ ရပ်ကွက်တွေဆီ အသီးသီးလမ်းခွဲထွက်ကြသည်။ တချို့ကျတော့လည်း နှစ်ယောက်တစ်တွဲသွားရောင်းကြသည်။ ဆေးလိပ်ခုံတွေ၊ ဖိနပ်ရုံတွေ၊ ဈေးချိုတော်၊ တရုတ်တန်းဈေး အစရှိသည့်နေရာများဆီသို့ဖြစ်သည်။

“အတူတူသွားလို့လည်း ရောင်းရတာမျှတယ်။ နောက်ပြီး မနာလိုတယ်ပြုတယ်လည်း မရှိကြဘူး။ ဒီဘက်အသည်မှာ ငရုတ်သီးကုန်သွားရင် နောက်အသည်က ရော့ ငါ့ထဲကလာယူ၊ သူ့ရှိပေးကိုယ်ယူ၊ ကိုယ့်ရှိပေးသူယူနဲ့ အဲဒီလိုရောင်းခဲ့ကြတယ်”ဟု ခိုတောင်မုန့်တီသည် ဒေါ်ညိုတင်ကပြောသည်။ ခိုတောင်မုန့်တီသည်တွေက သိပ်အော်ရောင်းစရာမလို။ ရောင်းနေကျအိမ်ရှေ့ မုန့်တီတောင်းချရောင်းလိုက်ရုံသာ။ ခိုတောင်မုန့်တီသည်တွေက ခိုတောင်ရွာထွက် ခုံဖိနပ်စီးကြတာဆိုတော့ ခုံဖိနပ်သံတဖြောင်းဖြောင်းသံကြားရပြီဆိုလျှင် ခိုတောင်မုန့်တီစားဖို့သာပြင်။

မန္တလေးသူ၊ မန္တလေးသားများကလည်း ဒေသစွဲကြီးသည့် ထုံးစံအတိုင်း စားနေကျမုန့်တီသည်မှစားသည်။ မုန့်တီသည်က တစ်ရက်လေးမလာရင် နေများမကောင်းနေလေသလားဟု စိတ်ပူကြတာလည်းရှိသည်။ အပျင်းထူပြီး ဈေးမထွက်တာမျိုးဆိုရင်တော့ ပြန်လာရောင်းတဲ့နေ့ ကလော်တုတ်ခံရပြီသာမှတ်ဟု ဒေါ်သန်းစိန်ကပြောသည်။ တကယ်နေမကောင်းဘူးဆိုရင်လည်း အိမ်ထဲဆေးပြေးယူ ရေတစ်ခွက်ခပ်ကာ ဆေးသောက်ချင်ချင်၊ မသောက်ချင်ချင် ဇွတ်တိုက်တတ်သည့် မန္တလေးသူ၊ မန္တလေးသားများနှင့်လည်း ဆုံခဲ့ရသည်ဟု ဆိုသည်။

“ကြာလာတော့ ဆွေတွေမျိုးတွေလိုကို ဖြစ်ခဲ့ကြတာပါပဲ”ဟု ဒေါ်သန်းစိန်ကလွမ်းဆွတ်စွာပြောသည်။

မုန့်ကုန်ပြီဆိုလျှင် ဈေးချိုထဲ ဆန်ခါခုံးတွေ ကိုယ်စီကိုင်ကာ ဈေးဝယ်ထွက်ကြပြီ။ နောက်တစ်နေ့အတွက် ဈေးရောင်းဖို့လိုအပ်သည့်ပစ္စည်းများနှင့် ဟင်းချက်စရာတွေ ၀ယ်ရခြင်းဖြစ်သည်။ ဈေးဝယ်ထွက်ပြီး ဂေါဝိန်ထိ လမ်းပြန်လျှောက် ဂေါဝိန်မှာဆုံကြတော့ ည ၇ နာရီကျော်ပြီ။ ဂေါဝိန်ရဲ့အမှောင်ထုကြား မုန့်တီသည်တွေစုံအောင် စောင့်ကြရသည်။ ဘယ်သူကတော့ ကျန်သေးတယ်။ ဘယ်ဝါကတော့မလာသေးဘူး အစရှိသည့်အသံတွေက ဂေါဝိန်ကို အမြဲတစေဖုံးလွှမ်းနေတတ်သည်။

လူစုံလို့ထွက်တော့ အမှောင်ထုက ပိုမိုကြီးစိုးလာသည်။ ငှက်လှေပေါ်ရောက်တော့ ကိုယ့်ရောင်းကြေးလေးတွေ ဈေးဗန်းထဲ သေချာဝှက်ရသည်။ “အမေတို့လက်ထက်တုန်းကဆို ခိုတောင်သည်တွေကို ဓားပြတိုက်တာတွေ ဖြစ်ဖူးတော့ လန့်ကြတယ်”ဟု မုန့်တီသည်ဒေါ်မြင့်မြင့်ဝင်းကပြောသည်။ ဧရာဝတီမြစ်ထဲမှာ ညကမှောင်မှောင် လေကတဖြူးဖြူးတိုက် ဓားပြရန်ကလည်း ကြောက်ရသေး။ လှေသမားကလွဲလို့ မိန်းမသားတွေချည်းဆိုတော့ အကြောက်ပြေအသံသေးအသံကြောင်ဖြင့် ရရာသီချင်းအော်ဆိုခဲ့ကြသည်ဟုလည်း မုန့်တီသည်များကပြောပြသည်။

ရာသီဥတုမကောင်းတဲ့အခါမျိုးဆိုရင် မုန့်တီသည်တွေ ငှက်လှေလေးထဲ ရသမျှဘုရားစာရွတ်ကာ ရင်တထိတ်ထိတ်ဖြင့် ပြန်ခဲ့ရသည့်ရက်များကလည်း မနည်းမနော။ ခိုတောင်ဆိပ်နားနီးလာလေလေ၊ အိမ်အမြန်ပြန်ရောက်ချင်လေလေ။ မှိတ်တုတ်မှိတ်တုတ် မီးအိမ်လေးတွေ ကိုယ်စီတွေ့နေရပြီဆိုရင် မကြာမီအိမ်ရောက်တော့မည်ကို မုန့်တီသည်တွေ သိကြသည်။ အိမ်မှာကျန်နေခဲ့တဲ့ လင်သားနဲ့ကလေးတွေက မီးအိမ်လေးတွေကိုယ်စီဖြင့် လာကြိုနေကြခြင်းပင်ဖြစ်သည်။

အိမ်လည်းရောက်ရော ည ၉ နာရီကျော်ပြီ။ တစ်နေကုန် မြို့တက်ဈေးရောင်းနေရသူတွေမို့ ညစာအတွက် အဆင်မှပြေပါ့မလားဟု စိတ်ပူနိုင်သည်။ သို့သော် ပူစရာမလိုပါ။ အိမ်မှာကျန်နေခဲ့တဲ့ လင်သားတွေက ခုံဖိနပ်ခုတ်လုပ်ငန်းလုပ်ရင်း ထမင်းဟင်းချက်ပြုတ်၊ အ၀တ်လျှော်၊ ကလေးထိန်း စသောအလုပ်တွေ လုပ်ထားပေးကြသည်ဟု ခိုတောင်မုန့်တီသည်များကဆိုသည်။ ဒါကြောင့် လက်ဆေးခူးစားလိုက်ရုံ။ “အဲဒါကြောင့် ခိုတောင်ရွာက ယောက်ျားတော်တော်များများ ထမင်းဟင်းချက်တတ်ကြတယ်”ဟု ဒေါ်သန်းစိန်ကပြောသည်။

ခိုတောင်သူတစ်ဦး မုန့်တီရောင်းရငွေက အိမ်စားစရိတ်ကို အတော်အတန်လေးထိန်းနိုင်သည်ဟု ခိုတောင်မုန့်တီသည်များကဆိုသည်။ ပိုလျှံသည်တော့မရှိ။ သို့သော် မုန့်တီရောင်းပြီး အလှူကြီးအတန်းကြီးမလှူနိုင်ပေမယ့် မလှူနိုင်ဈေးရောင်းဆိုသည့်အတိုင်း ကိုယ်ဈေးရောင်းရာဝန်းကျင် တွေ့သည့်ဆွမ်းခံကိုယ်တော် မုန့်တီဆွမ်းလောင်းသည်။ မယ်သီလရှင်များအား ကပ်လှူသည်။ တစ်ခါတစ်ရံ မင်းကွန်းလူအိုရုံသွားကာ မုန့်တီသွားလှူကြသည်။ တရားဟောဆရာတော်ကြီးအချို့က ခိုတောင်သည်များကပ်လှူခဲ့သည့် မုန့်တီဆွမ်းကို တရားပွဲများတွင်ပါ မမေ့မလျော့ထည့်သွင်းဟောပြောတတ်ကြသည်။

အခုတော့ လမ်းပန်းဆက်သွယ်ရေးကောင်းလာလို့ လှေစီးကာ သွားရောင်းရန်မလိုတော့။ ဆိုင်ကယ်တို့၊ ကားတို့ဖြင့် သွားရောင်းလာကြသည်။ မုန့်တီဖတ်ကလည်း ရွာမှာတင်ကြိတ်စရာမလိုတော့။ မန္တလေးမြို့ပေါ်မှာ မုန့်တီစက်တွေပေါ်လာခဲ့ပြီ။ မုန့်တီတောင်းကို မန္တလေးမြို့ပေါ် နီးစပ်ရာအိမ်တွင်အပ်ကာ လူချည်းသက်သက်သွားရောင်းရုံသာ။ အသက်အရွယ်အရ မုန့်တီမရောင်းနိုင်တော့သည့် ဒေါ်သန်းစိန်တစ်ယောက် မန္တလေးက မုန့်တီစားနေကျ ကျေးဇူးရှင် မန္တလေးသူ၊ မန္တလေးသားများကို သတိရမိသည်ဟုဆိုသည်။

“တစ်ခါတလေများ မန္တလေးမြို့ထဲ ဈေးပြန်သွားရောင်းတယ်ဆိုပြီး အိပ်မက်တောင်မက်မိတယ်”ဟု ပြောသည်။

မန္တလေးမြို့ပေါ်တွင် မန္တလေးသူ၊ မန္တလေးသားနည်းလာသည်ဟုလည်းဆိုသည်။ တိုင်းတစ်ပါးအစားအစာတွေလည်း မင်းမူလာသည်ဟုလည်း ဆိုသူကဆိုသည်။ သို့သော် ခိုတောင်မုန့်တီအပါအ၀င် မန္တလေးအစားအသောက်များကတော့ မန္တလေးမှာ “ပန်းပန်လျက်ပါ”ဟုဆိုမည်ဆိုလျှင် လွန်အံ့မထင်။ မန္တလေးရောက်ပြီဆိုလျှင် ခိုတောင်မုန့်တီတစ်ပွဲလောက်တော့ စားဖူးစေချင်လှပါသည်။ 7daynews journal အတွဲ(၁၂) အမှတ်(၄၅)

သစ်ခေါက်ခွာသူတို့၏ မရေရာသောအနာဂတ်

ဧရာဝတီမြစ်ရေက အေးဆေးတည်ငြိမ်စွာ စီးဆင်းနေသည်။ မြစ်ကမ်းစပ်အထက်နားတွင်တော့ ကျိုးတိုးကျဲတဲ တည်ဆောက်ထားသော တဲအိမ်စုလေးများက ဆိတ်ငြိမ်စွာတည်ရှိနေသည်။ သို့သော် တဲအိမ်လေးတွေရဲ့ရှေ့မှာ၊ ဘေးမှာ၊ တဲပေါက်ဝမှာ ရှိနေတဲ့လူများ၏ မျက်လုံးတွေကတော့ ဂနာမငြိမ်ဘဲတစ်စုံတစ်ရာကို မျှော်လင့်ချက်ကြီးစွာဖြင့် စောင့်မျှော်နေကာ ဧရာဝတီမြစ်ပြင်ကျယ်ကြီးကို ငေးမောနေကြသည်။ ထိုအချိန် မြစ်ဆိပ်ကနေ အမျိုးသမီးတစ်ဦး သဲသောင်များကိုဖြတ်ကာ တစ်ခုခုကိုအော်ဟစ်ရင်း အူယားဖားယားပြေးတက်လာသည်။ “ထင်းတွဲကြီးလာပြီဟေ့”တဲ့။ သူ့အသံကြားတော့ ထိုင်နေကြတဲ့လူတွေ လှုပ်လှုပ်ရွရွဖြစ်သွားသည်။ မြစ်ထဲကိုလှမ်းကြည့်လိုက်တော့ သစ်တွေအပြည့်တင်ဆောင်လာသည့် သင်္ဘောတစ်စီးက တလှုပ်လှုပ်ဖြင့် မျှော်နေသူတို့ဆီ လာနေချေပြီ။ ဟုတ်ပါသည်။ ထင်းတွဲကြီးလာပါပြီ။ သူတို့တွေ ကိုယ်စီကိုယ်စီမျှော်နေကြသည့် ထင်းတွဲကြီးလာချေပြီ။ စောစောက ပျင်းရိလေးတွဲဖွယ်ဖြစ်နေသည့် မျက်နှာတွေ ကိုယ်စီကိုယ်စီဝင်းပသွားကာ တဲအိမ်လေးတွေအတွင်း အမြန်ဝင်လိုက်ကြသည်။ တဲအိမ်အတွင်းမှ ယူလာသည်ကတော့ သံတူးရွင်းတစ်ခုစီ။ သံတူးရွင်းကိုယ်စီဖြင့် မြစ်ဆိပ်ကို အလုအယက်ပြေးဆင်းကြသည်။ သစ်ခေါက်များ သွားခွာရန်ပင်ဖြစ်သည်။ ထို့ကြောင့် သစ်တွေအပြည့်တင်ဆောင်လာသည့် သင်္ဘောကြီးကို ကလေးတွေက အမည်ပေးတတ်ကြသည်။ “ထမင်းအိုးကြီးမျောလာပြီ” တဲ့။ ထမင်းအိုးကြီးလို့အမည်ပေးရလောက်အောင်ပင် သူတို့အတွက် သစ်တင်သင်္ဘောကြီးတွေက တကယ့်ထမင်းအိုးကြီးတွေဖြစ်လာအောင် ဖန်တီးပေးတတ်သည်ဟု သစ်ခေါက်ခွာသူ အသက်(၅၅)နှစ်အရွယ် ဒေါ်ခင်ဝင်းကပြောပြသည်။ ဧရာဝတီမြစ်အထက်ပိုင်းမှ စုန်ဆင်းလာသည့် သစ်တင်သင်္ဘောတွေက ရတနာပုံတံတားအနီးက မြန်မာ့သစ်လုပ်ငန်းတွင် မျှောစာယူရန် မြစ်လယ်တွင် ကျောက်ချလေ့ရှိသည်။ ထိုအချိန် သစ်တင်သင်္ဘောပေါ်က ကြီးမားလှသော သစ်တုံးကြီးများ၏ အခေါက်ကလေးများကို အလုအယက်လိုက်ခွာရင်း ထမင်းအိုးဖြစ်အောင် ဖန်တီးကြသူတွေက ဧရာဝတီမြစ်ကူး ရတနာပုံတံတားအနောက်ဘက်ကမ်း စစ်ကိုင်းသစ်ဆိပ်အနီးမှာဖြင့် တစ်ပုံတစ်ပင်။ ဟိုအရင် ရတနာပုံတံတားမထိုးခင် စစ်ကိုင်းသစ်ဆိပ်နဲ့ ရွှေကြက်ယက်ဆိပ်ကမ်းကို ငှက်လှေတွေနဲ့ကူးကြတော့ လှေသမားတွေအလုပ်ဖြစ်ခဲ့သည်။ ခုတော့ ရတနာပုံတံတားပေါ်လာတော့ ငှက်လှေနဲ့မကူးကြတော့။ ငှက်လှေအလုပ်မဖြစ်တော့ ရရာသစ်ခေါက်ခွာတဲ့အလုပ် ၀င်လုပ်ခဲ့ရသည်ဟု အသက်(၅၅)နှစ်အရွယ် အမျိုးသားကြီးတစ်ဦးက ပြောပြသည်။ နောက်တော့ တဖြည်းဖြည်း သစ်ခေါက်ခွာသူ များလာလိုက်တာ စစ်ကိုင်းသစ်ဆိပ်အနီးမှာဖြင့် တဲအိမ်လေးတွေကိုပုံလို့။ သစ်တင်သင်္ဘောများ ၀င်လာပြီဆိုရင် မြစ်ဆိပ်မှာရပ်ထားတဲ့ ငှက်လှေတွေပေါ် အပြေးအလွှားတက်ကာ စက်ကိုအသားကုန်မောင်းပြီး သူ့ထက်ငါအပြိုင်အဆိုင် သစ်တင်သင်္ဘောကြီးဆီ ပြေးကြလေပြီ။ တဝေါဝေါစီးဆင်းနေသည့် ဧရာဝတီမြစ်ပြင်ကျယ်ကြား သစ်တင်သင်္ဘောကြီးဆီသို့ ငှက်လှေလေးတွေ အပြိုင်အဆိုင်မောင်းနှင်သွားကြသည်က အစာကိုအပြိုင်သုတ်ကြတော့မည့် သိမ်းငှက်များနှယ်။ ယခင်ကတော့ ငှက်လှေမှာ စက်မတပ်နိုင်ခင်က အပြိုင်အဆိုင်လှော်ခတ်ကာ သင်္ဘောနောက်လိုက်ရသည်။ ခုတော့ စက်တပ်ပြီး နည်းနည်းတော့ အမောသက်သာသည်။ သို့သော် သင်္ဘောနားရောက်တော့မှ သစ်ခေါက်ဈေးကောင်းကောင်းမရသည့် ကျွန်းသစ်မျိုးဖြစ်နေတဲ့အခါကျရင် မောပြီသာမှတ်။ “ကျွန်းသစ်အခေါက်ကျတော့ ဈေးကမရဘူး။ အင်သစ်ခေါက်ကမှဈေးကရတာ။ ကျွန်းသစ်တွေနဲ့တိုးပြီဆိုရင် ဆီဖိုးငါးရာလောက်ရှုံးပြီပဲ”ဟု သစ်ခေါက်ခွာရန်လိုက်လာသူ အမျိုးသမီးတစ်ဦးက ရှင်းပြသည်။ ထို့အပြင် သင်္ဘောနားရောက်မှ ပြောင်ရှင်းနေသည့် သစ်တုံးကြီးတွေတွေ့ရပြီဆိုရင် သင်္ဘောပေါ်က သူလိုကိုယ်လို ဘ၀တူသင်္ဘောဝန်ထမ်းလေးတွေက သစ်ခေါက်တွေခွာခဲ့ပြီးပြီဖြစ်လို့ သက်ပြင်းချကာ သင်္ဘောပေါ်က ပြန်ဆင်းခဲ့ရသည်မှာလည်း အကြိမ်ကြိမ်။ သစ်တင်သင်္ဘောနားရောက်တော့ ငှက်လှေကိုစက်သတ်ရင်း မောင်းနေဆဲသင်္ဘောနား တဖြည်းဖြည်းကပ်ရသည်။ ငှက်လှေကို သင်္ဘောနဲ့ကပ်ချည်ပြီးတော့ ပါလာသမျှလူအားလုံး သင်္ဘောပေါ်တက်ကြသည်။ သစ်လုံးတွေဆီက သစ်ခေါက်တွေကို သံတူးရွင်းတွေကိုယ်စီဖြင့် ခွာကြပြီ။ သစ်ခေါက်ခွာတာကို သင်္ဘောဝန်ထမ်းတွေက ကိုယ်ချင်းစာစိတ်ဖြင့် ဘာမျှမပြော။ ထို့ကြောင့် သူတို့တစ်တွေကလည်း အလိုက်သိစွာဖြင့် သစ်သားကိုယ်ထည်ကိုမထိခိုက်စေရေး အသာအယာသစ်ခေါက်ကိုခွာရသည်ဟု သစ်ခေါက်ခွာသူတို့ကဆိုသည်။ “၀န်ထမ်းတွေကလည်း ကျွန်တော်တို့ကို သနားကြတယ်နဲ့တူပါတယ်။ တစ်ခါတလေ ထမင်းတောင်ကျွေးသေးတယ်”ဟု သစ်ခေါက်ခွာသူ ကိုသီဟဇော်ကပြောပြသည်။ ဧရာဝတီမြစ်လယ် နေအပူရှိန်ကြောင့် ချွေးများက တစက်စက်ကျနေလည်း သူတို့မမှု။ “ဒီအလုပ်က အူစိုတယ်။ ဒါပေမဲ့ပင်ပန်းတယ်”ဟု သစ်ခေါက်ခွာရင်း ကိုသီဟဇော်ကပြောသည်။ ဒီလောက်ပင်ပန်းနေသည့်အတွက် သစ်ခေါက်တွေ ဈေးကောင်းကောင်းရပုံပဲဟု ထင်နိုင်စရာရှိသည်။ ၀မ်းဗိုက်ကားကား ငှက်လှေတစ်စင်း အပြည့်အမောက်မှ ကျပ်ခြောက်ထောင်ခန့်သာရသည်။ ငှက်လှေတစ်စီးအပြည့်ဖြစ်ဖို့အတွက် လူသုံးယောက်ခန့် အင်တိုက်အားတိုက် သစ်ခေါက်ခွာမှသာရနိုင်သည်ဟု သစ်ခေါက်ခွာသူများကပြောသည်။ ထို့ကြောင့် သစ်ခေါက်ခွာသူများက မိမိတို့ရှာလာတဲ့သစ်ခေါက်တွေကို မီးမမြှိုက်ရက်။ ရလာတဲ့သစ်ခေါက်တွေ ဟိုဒီရွှေ့ရင်း ပဲ့ကျသွားသည့်သစ်ခေါက်အစနလေးတွေကိုသာ သုံးပါသည်ဟု သစ်ခေါက်ခွာသူအမျိုးသမီးတစ်ဦးကဆိုပါသည်။ သစ်ခေါက်ခွာသူတွေ ပိုမိုအကျပ်အတည်းဖြစ်စေတဲ့ ကာလတွေကလည်း လာတတ်ပါသေးသည်။ နှစ်ကုန်ပြီဆို သစ်တင်သင်္ဘောတွေ အလာကျဲချေပြီ။ သစ်ခေါက်ခွာသူတွေ အသီးသီးတိုင်ပင်ကြပြီ။ ငွေစုထားတာရှိတဲ့သူကထုတ်၊ ပေါင်နှံစရာရှိသူက အပေါင်ဆိုင်ပြေး၊ သစ်ခေါက်ပွဲစားဆီက ငွေကြိုထုတ်လို့ရသူကထုတ်ကာ ဧရာဝတီမြစ်တစ်လျှောက် ငှက်လှေဖြင့်ဆန်တက်ရင်း သစ်တင်သင်္ဘောရှာပုံတော်ဖွင့်ရန်စီစဉ်ရသည်။ သစ်တင်သင်္ဘောကိုတွေ့ဖို့ ရက်က ဘယ်လောက်ကြာမည်ဆိုတာ မသေချာတော့ ငှက်လှေပေါ်မှာ ဆန်နဲ့သီးနှံတွေတင်၊ ထမင်းအိုး၊ ဟင်းအိုးတွေပါဆွဲကာ သစ်တင်သင်္ဘောဆီလိုက်ရသည်။ တစ်ခါတလေ ကံကောင်းရင်တော့ ရက်တိုတိုနဲ့ သစ်တင်သင်္ဘောတွေ့တတ်သည်။ သစ်တင်သင်္ဘောမတွေ့ရင်တော့ ဆန်တက်ပေဦးတော့။ ငှက်လှေတွင် စက်မတပ်နိုင်ခင်က လက်ဖြင့်လှော်ကာ ဆန်တက်ရတာမို့ ခြေကုန်လက်ပန်း ကျလာတတ်ကြသည်။ ထို့ကြောင့် ကမ်းပါးမြင့်သည့်နေရာရောက်လာပါက တစ်ယောက်က ကမ်းပါးပေါ်တက်ကာ ငှက်လှေကိုကြိုးဖြင့်ဆွဲရင်း ခရီးဆက်ရသည်။ ညမှောင်လာပြီဆို တွေ့သည့်သောင်ပြင်မှာ မိုးကာတဲထိုးကာ တစ်ထောက်နားရသည်။ သစ်တင်သင်္ဘောတွေ့ပြီဆိုရင် အရမ်းပျော်မိသည်ဟု မိသားစုလိုက် ငှက်လှေဖြင့် သစ်တင်သင်္ဘောရှာခဲ့သူ ဒေါ်ခင်ဝင်းကဆိုပါသည်။ မြစ်ကြောင်းတစ်လျှောက် သစ်ခေါက်တွေကို ခွာလာလိုက်တာ စစ်ကိုင်းသစ်ဆိပ်ကျတော့ ချကာရောင်းချလိုက်မှ အမောပြေတော့သည်ဟု သစ်ခေါက်ခွာသူများကဆိုပါသည်။ သစ်တင်သင်္ဘောပေါ်တင်မကဘဲ လှေတွေဖြင့်ကပ်ချည်ကာ သယ်ဆောင်လာသည့် သစ်တွဲများတွင်လည်း သစ်ခေါက်ခွာကြပါသေးသည်။ လူကရေထဲကိုဆင်းပြီး ခွာရသည့်အတွက် အောက်ကအေးအေး အပေါ်ကနေပူပူဖြင့် ညဆို ခါးတွေကနာတာလွန်ပါရောဟု ကိုသီဟဇော်ကပြောပြသည်။ သစ်ခေါက်တွေ အပြေးအလွှားခွာကြဖို့အရေး ပြေးရင်းလွှားရင်း သင်္ဘောပေါ်ကရေညှိများကြောင့် ချော်လဲကာ ခိုက်မိတာတွေ၊ သစ်လုံးတစ်လုံးကနေတစ်လုံးကူးရင်း ခြေချော်ကျကာ ဒဏ်ရာရတာတွေက သူတို့အတွက်မဆန်းတော့။ သစ်ခေါက်ခွာရင်း ကံဆိုးခဲ့သူတချို့လည်း ရှိခဲ့ဖူးသည်။ အပြေးအလွှားသစ်ခေါက်တက်ခွာရင်း တုံးညပ်သေခဲ့တာတွေ၊ သင်္ဘောတစ်စီးနဲ့တစ်စီး သစ်လွှဲတင်နေတဲ့ကရိန်းနဲ့ ခိုက်မိခဲ့တာတွေလည်း ဖြစ်ခဲ့ဖူးသည်ဟု သစ်ခေါက်ခွာသူတို့ကဆိုပါသည်။ ဧရာဝတီမြစ်ထဲ လှိုင်းအရမ်းကြီးနေသည့်အခါ၊ လေကြီးမိုးကြီးကျနေသည့်အခါမျိုးတော့ တော်တော်များများက မသွားဝံ့ကြတော့။ စွန့်စွန့်စားစားသွားသူတွေလည်းရှိပါ၏။ သစ်ခေါက်ခွာပြီး ကမ်းစပ်ပြန်ရောက်မှ ဟင်းချနိုင်သည်ဟု ကိုသီဟဇော်ကပြောပြသည်။ သစ်ခေါက်ခွာသူတို့ကတော့ သူတို့မျက်စိအောက်ကနေ နေ့စဉ်ဖြတ်သန်းနေသည့် သစ်လုံးကြီးတွေ ဘယ်ဆီရောက်သွားသည်ကို သူတို့မသိ။ သိရန်လည်းမလို။ သူတို့က သစ်ခေါက်ကလေးတွေခွာခွင့်ရတာကိုပင် ဆုလာဘ်တစ်ခုလို့ ယူဆနေကြသည်။ ခုရက်ပိုင်း သစ်တင်သင်္ဘောတွေ အ၀င်နည်းလာသည်ဟု သစ်ခေါက်ခွာသူတို့ကဆိုပါသည်။ “သင်္ဘောပေါ်က၀န်ထမ်းတွေကတော့ ပြောတယ်။ နောက်သုံးလလောက်ဆိုရင် သစ်ခေါက်တွေ ခွာလို့ရမှာမဟုတ်တော့ဘူးတဲ့။ သစ်တွေကို လေးထောင့်လှီးပြီးမှ တင်လာတော့မယ်ပြောတာပဲ”ဟု ဒေါ်ခင်ဝင်းက သူတစ်ဆင့်ကြားသည်ကို ပြန်ပြောပြသည်။ သို့သော် နောင်ခါလာနောင်ခါဈေး ဒေါ်ခင်ဝင်းတို့လို သစ်ခေါက်ခွာပြီး ထမင်းအိုးတည်မည့်သူတွေအတွက်ကတော့ ဧရာဝတီမြစ်ထဲက သစ်တင်သင်္ဘောတွေကို မကြာခဏ လှမ်းမျှော်နေကြဦးမှာကတော့မလွဲ။